पानमसाला, गुटखा, भेसळ अन्नपदार्थांविरोधात कारवाई
पुणे: राज्यातील प्रतिबंधित पानमसाला, गुटखा, भेसळ अन्नपदार्थांविरोधात अन्न व औषध प्रशासनाने राज्यभर २५ मे ते ३१ मे २०२६ या कालावधीत धडक मोहीम राबवली. अन्न व औषध प्रशासन विभागाचे आयुक्त तुकाराम मुंढे यांच्या निर्देशानुसार केलेल्या सात दिवसांच्या कारवाईत एकूण १ कोटी ५८ लाख २८ हजार ६७७ रुपयांचा साठा जप्त करण्यात आला, तर १०२ आरोपींना अटक करण्यात आली आहे. एकूण २०३ आस्थापनांवर कारवाई करत ८६ आस्थापना सील करण्यात आल्या आहेत. ३४ लाख ५ हजार ४८ रुपये किमतीचा मुद्देमाल जप्त करण्यात आला. ‘Safe Food, Safe Drug, Safe Maharashtra’ या संकल्पनेअंतर्गत राज्यभर भेसळ, अस्वच्छ अन्न उत्पादक आणि नियमभंग करणाऱ्या अन्न व्यवसायिकांविरोधात विशेष मोहीम राबविण्यात आली.
